മട്ടാഞ്ചേരി: പനയപ്പിള്ളി ക്രസന്റ് ഓര്‍ഫനേജില്‍ നിന്ന് കാണാതായ അന്തേവാസികളായ പെണ്‍കുട്ടികളെ കണ്ടെത്തി. ഓര്‍ഫനേജിലെ അന്തേവാസികളായ ഫസീല(13), നിഹാല തസ്മി(12),ഫാത്തിമ(8) എന്നിവരെയാണ് ഇന്നലെ പുലര്‍ച്ചെ എറണാകുളം സൗത്ത് റെയില്‍വേ സ്റ്റേഷനിലെ വിശ്രമ മുറിയില്‍ നിന്ന് കണ്ടെത്തിയത്.
തിങ്കളാഴ്ച വൈകിട്ട് നാല് മണിയോടെയാണ് കുട്ടികളെ കാണാതായത്. ഫസീലയും ഫാത്തിമയും സഹോദരിമാരാണ്. നിഹാല ലക്ഷദ്വീപ് സ്വദേശിനിയാണ്. മട്ടാഞ്ചേരി പൊലിസ് നടത്തിയ അന്വേഷണത്തിലാണ് കുട്ടികളെ കണ്ടെത്തിയത്.