തലശ്ശേരി: ശബരിമലയില്‍ രണ്ടു യുവതികള്‍ ദര്‍ശനം നടത്തിയതിന്റെ പേരില്‍ തുടങ്ങിവച്ച അക്രമസംഭവങ്ങള്‍ കലാപമുണ്ടാക്കാനുള്ള ശ്രമത്തിന്റെ ഭാഗമാണെന്ന് തെളിഞ്ഞുകൊണ്ടിരിക്കുന്നുവെന്ന് ഐ.എന്‍.എല്‍. ഉത്തരേന്ത്യയില്‍ സ്വാധീനം നഷ്ടപ്പെട്ടുകൊണ്ടിരിക്കുന്ന ബി.ജെ.പിക്ക് ദക്ഷിണേന്ത്യയില്‍ വേരുറപ്പിക്കാനുള്ള മാര്‍ഗമായാണ് ഈ അക്രമം കൊണ്ട് ഉദ്ദേശിക്കുന്നത്. അതിനുള്ള അവസരമായാണ് ശബരിമല യുവതീ പ്രവേശനവുമായി ബന്ധപ്പെട്ട പ്രശ്‌നങ്ങളെ സംഘ്പരിവാര്‍ ശക്തികള്‍ ഏറ്റെടുത്തിരിക്കുന്നതെന്ന് കാസിം ഇരിക്കൂര്‍, ബി. ഹംസ ഹാജി, താജുദ്ദീന്‍ മട്ടന്നൂര്‍, കെ.പി യൂസഫ്, ഡി. മുനീര്‍, ബി.പി മുസ്തഫ, അഹമ്മദ് തലശ്ശേരി, സി.കെ മഹമ്മൂദ് എന്നിവര്‍ വാര്‍ത്താസമ്മേളനത്തില്‍ പറഞ്ഞു.