എരമംഗലം: കളത്തില്‍പ്പടിയിലെ പഞ്ചാബ് നാഷണല്‍ ബാങ്കിന്റെ എ.ടി.എം കൗണ്ടറില്‍ കവര്‍ച്ചാ ശ്രമം. കൗണ്ടറിന്റെ വാതിലുകള്‍ ആയുധംകൊണ്ടു തകര്‍ത്ത നിലയിലായിരുന്നു. ചൊവ്വാഴ്ച രാവിലെയോടെയാണ് കവര്‍ച്ചാ ശ്രമം നടന്നതായി കണ്ടെത്തിയത്.
സമീപത്തെ കച്ചവടക്കാര്‍ ബാങ്കില്‍ വിവരമറിയിച്ചതിനെ തുടര്‍ന്നു പെരുമ്പടപ്പ് പൊലിസെത്തി പരിശോധന നടത്തി. കൗണ്ടറില്‍ സ്ഥാപിച്ച നിരീക്ഷണ കാമറകള്‍ പൊലിസ് പരിശോധിച്ചുവരികയാണ്. ഇതു രണ്ടാം തവണയാണ് കളത്തില്‍പ്പടിയിലെ പഞ്ചാബ് നാഷണല്‍ ബാങ്കിന്റെ എ.ടി.എം കൗണ്ടറില്‍ കവര്‍ച്ചാ ശ്രമം നടക്കുന്നത്.
മാസങ്ങള്‍ക്ക് മുന്‍പു നടന്ന കവര്‍ച്ചാ ശ്രമത്തില്‍ എ.ടി.എം മെഷീന്റെ ചില ഭാഗമങ്ങള്‍ നശിപ്പിച്ച നിലയിലായിരുന്നു. എന്നാല്‍, സംഭവത്തിലെ പ്രതികളെ ഇതുവരെയും പിടികൂടാന്‍ സാധിച്ചിട്ടില്ല. സംഭവത്തില്‍ പെരുമ്പടപ്പ് പൊലിസ് അന്വേഷണം ആരംഭിച്ചു.