മാവൂര്‍: 'സഹനം, സമരം, സമര്‍പ്പണം' പ്രമേയത്തില്‍ എസ്.കെ.എസ്.എസ്.എഫ് നടത്തുന്ന റമദാന്‍ കാംപയിനിന്റെ ഭാഗമായി മാവൂര്‍ സി.ഐ.ടി.യു ഗ്രൗണ്ടില്‍ നടക്കുന്ന റമദാന്‍ പ്രഭാഷണം ഇന്നു തുടങ്ങും. രാവിലെ 8.30ന് പാണക്കാട് സയ്യിദ് ഹമീദലി ശിഹാബ് തങ്ങള്‍ പ്രഭാഷണ പരമ്പര ഉദ്ഘാടനം ചെയ്യും. മുന്‍ മന്ത്രി ഡോ. എം.കെ മുനീര്‍ മുഖ്യാതിഥിയാകും. 'ഉമ്മ പ്രിയപ്പെട്ട ഉമ്മ' വിഷയത്തില്‍ അന്‍വര്‍ മുഹ്‌യിദ്ദീന്‍ ഹുദവി ആലുവ പ്രഭാഷണം നടത്തും.