നിസാര്‍ കലയത്ത്#

ജിദ്ദ: ഈ ഉംറ സീസണില്‍ മാത്രം സഊദി അറേബ്യയിലെത്തിയത് 21,83,013 തീര്‍ഥാടകരെന്ന് ഹജ്ജ് ഉംറ മന്ത്രാലയം അറിയിച്ചു. ജനുവരി മൂന്നു വരെ 25,55,201 ഉംറ വിസകള്‍ വിവിധ രാജ്യങ്ങളിലെ സഊദി മിഷനുകള്‍ ഇഷ്യു ചെയ്തിട്ടുണ്ട്.
17,74,420 പേര്‍ ഇതിനകം ഉംറ നിര്‍വ്വഹിച്ച് സ്വദേശങ്ങളിലേക്ക് മടങ്ങി. 4,08,611 പേര്‍ നിലവില്‍ മക്കയിലും മദീനയിലുമായി കഴിയുന്നുണ്ട്.
ഭൂരിപക്ഷം പേരും വിമാനമാര്‍ഗ്ഗം രാജ്യത്തെത്തിയപ്പോള്‍ 184,580 പേര്‍ കരമാര്‍ഗവും 7003 പേര്‍ കടല്‍ മാര്‍ഗ്ഗവുമാണു ഉംറക്കെത്തിയത്.
600,015 തീര്‍ഥാടകരെ അയച്ച പാകിസ്ഥാനാണു ഏറ്റവും മുന്നില്‍ .പിറകില്‍ 394,027 ഇന്തോനേഷ്യന്‍ തീര്‍ഥാടകര്‍, 281,589 ഇന്ത്യന്‍ തീര്‍ത്ഥാടകര്‍, 130,793 മലേഷ്യന്‍ തീര്‍ഥാടകര്‍, 113,247 യമനികള്‍ , 83,299 അള്‍ജീരിയക്കാര്‍, 63,217 ഈജിപ്ഷ്യന്‍സ് , 60,086 തുര്‍ക്കികള്‍, 56,412 ഇമാറാത്തികള്‍ 52,848 ബംഗഌദേശികള്‍ എന്നിങ്ങനെയാണു കണക്ക് .
സഊദി വിഷന്‍ 2030 പ്രകാരം മൂന്നു കോടി തീര്‍ഥാടകരെയാണു ഒരു വര്‍ഷം രാജ്യം പ്രതീക്ഷിക്കുന്നത്.