ചെറുവത്തൂര്‍: വഫിയ്യ സ്റ്റുഡന്‍സ് ഫെഡറേഷന്‍ ജില്ലാ കമ്മിറ്റിയുടെ കീഴില്‍ 'അറിവുള്ള സ്ത്രീ തലമുറയുടെ വെളിച്ചം' എന്ന പ്രമേയത്തില്‍ ജില്ലയില്‍ സംഘടിപ്പിക്കുന്ന കാംപയിന് ഇന്ന് അ ത്തൂട്ടിയില്‍ തുടക്കമാകും. രാവിലെ പത്തിന് ഹിമാം നഗറില്‍ നടക്കുന്ന പരിപാടിക്ക്  അഫ്‌സല റഫീഖ്, മുഫ് ലി ഹത്ത്, മിസ്‌രിയ തുടങ്ങിയവര്‍ നേതൃത്വം നല്‍കും. റമദാന്‍ സന്ദേശം കൈമാറുന്നതോടൊപ്പം വിദ്യാഭ്യാസ രംഗത്ത് സ്ത്രീ സാന്നിധ്യം ലക്ഷ്യമാക്കി ജില്ലയിലെ പത്തു കേന്ദ്രങ്ങളില്‍ ക്യാംപയിന്‍ നടക്കും.