'ആരൊക്കെ പ്രതിഷേധിച്ചാലും ഈ നിയമം പിന്‍വലിക്കില്ലെന്നും ഞങ്ങള്‍ എതിര്‍പ്പിനെ ഭയപ്പെടുന്നില്ലെന്നും കേന്ദ്ര ആഭ്യന്തരമന്ത്രി അമിത്ഷാ. പൗരത്വ നിയമത്തെ കുറിച്ച് ജനങ്ങളില്‍ 'ബോധവത്കരണം' നടത്തുന്നതിന്റെ ഭാഗമായി ലഖ്‌നൗവില്‍ നടന്ന പരിപാടിയില്‍ സംസാരിക്കുകയായിരുന്നു അമിത് ഷാ.

'പ്രതിപക്ഷത്തിന് യാഥാര്‍ത്ഥ്യം കാണാന്‍ കഴിയില്ല, കാരണം അവരുടെ കണ്ണുകള്‍ വോട്ട്ബാങ്ക് രാഷ്ട്രീയത്തിന്റെ മുഖംമൂടികളാല്‍ മൂടപ്പെട്ടിരിക്കുന്നു. പൗരത്വ നിയമത്തെ കുറിച്ച് സംവാദം നടത്താന്‍ കേന്ദ്രമന്ത്രി അമിത് ഷാ പ്രതിപക്ഷ നേതാക്കളെ വെല്ലുവിളിക്കുകയും ചെയ്തു. നാളെ സുപ്രീം കോടതിയില്‍ ഇതുമായി ബന്ധപ്പെട്ട വാദങ്ങള്‍ കേള്‍ക്കാനിരിക്കെയാണ് അമിതാഷയുടെ മുന്നറിയിപ്പ്.