തലശ്ശേരി: മലയാള സനിമയിലെ പ്രമുഖ നടിയെ തട്ടിക്കൊണ്ട്
പോയത് ഒറ്റപ്പെട്ട സംഭവമല്ലെന്ന് സി.പി.ഐ മഹിളാ വിഭാഗമായ കേരള മഹിളാ സംഘം സംസ്ഥാന പ്രസിഡന്റ് കമലാ സദാനന്ദന്‍. മഹിളാ സംഘം ജില്ലാ പഠന ക്യാംപ് തലശ്ശേരി മാതാ ട്രെയിനിങ് സെന്ററില്‍ ഉദ്ഘാടനം ചെയ്തു സംസാരിക്കുകയായിരുന്നു അവര്‍. സ്ത്രീകളുടെ മാറുമറക്കാനുള്ള സ്വാതന്ത്രത്തിനു വേണ്ടി ത്യാഗോജ്വല പോരാട്ടം നടത്തിയ സ്ത്രീ സമൂഹമാണ് കേരളത്തിലേത്. മുലകുടി മാറാത്ത കുട്ടിക്കു പോലും ഇന്ന് രക്ഷയില്ലാത്ത അവസ്ഥയാണ്. നടിയെ തട്ടിക്കൊണ്ട് പോയ സംഭവത്തില്‍ പ്രതികളെന്ന് നേരത്തെ തന്നെ മുന്‍വിധിയോടെ ചിലര്‍ പറയുന്നത് അംഗീകരിക്കാന്‍ കഴിയില്ലെന്നും മുഖ്യമന്ത്രി പിണറായി വിജയന്റെ പേരെടുത്ത് പറയാതെ കമലാ സദാനന്ദന്‍ ചൂണ്ടിക്കാട്ടി. കെ മീനാക്ഷി അധ്യക്ഷയായി. സി.പി.
ഐ ജില്ലാ സെക്രട്ടറി പി സന്തോഷ്‌കുമാര്‍, കെ.ടി ജോസ്, സി.പി
ഷെജന്‍, എന്‍ ഉഷ സംസാരിച്ചു. കേരളീയ നവോത്ഥാനവും സ്ത്രീകളും എന്ന വിഷയത്തില്‍ എം.സി നാരായണനും നിയമ സാക്ഷരതയെക്കുറിച്ച് അഡ്വ. ഇന്ദിരാ രവീന്ദ്രനും ക്ലാസെടുത്തു. രണ്ട് ദിവസത്തെ ക്യാംപ് ഇന്ന് സമാപിക്കും.