മാനന്തവാടി: ദാഹിച്ച് എത്തുന്നവര്‍ക്ക് കുടിവെള്ളമൊരുക്കി ജനമൈത്രി പൊലിസ്. മാനന്തവാടി ബസ് സ്റ്റാന്‍ഡിലാണ് യാത്രക്കാര്‍ക്കായി കുടി വെള്ളം ഒരുക്കിയിരിക്കുന്നത്.
മാനന്തവാടിയില്‍ എത്തുന്നയാത്രക്കാര്‍ കുടിവെള്ളത്തിനായി ബുദ്ധിമുട്ടുന്നു എന്നത് ശ്രദ്ധയില്‍പ്പെട്ടതോടെയാണ് ജനമൈത്രി പൊലിസ് കുടിവെള്ളം ഒരുക്കിയതെന്ന് മാനന്തവാടി അഡിഷണല്‍ എസ്.ഐ സന്തോഷ് പറഞ്ഞു. കുടിവെള്ളം സ്ഥാപിക്കാനുള്ള മുഴുവന്‍ ചെലവുകളും ജനമൈത്രി പൊലിസാണ് വഹിച്ചത്. പരിപാടിയുടെ ഉദ്ഘാടനം നഗരസഭ സ്റ്റാന്‍ഡിങ് കമ്മിറ്റി ചെയര്‍മാന്‍ പി.റ്റി ബിജു നിര്‍വഹിച്ചു. പി.വി.എസ് മൂസ, എം.പി ശശിക്കുമാര്‍, ബഷീര്‍ എന്നിവര്‍ നേതൃത്വം നല്‍കി.