കൊടുവള്ളി: കൊടുവള്ളി നഗരസഭയിലെ പട്ടിണിക്കരയില്‍ വീട്ടില്‍ മോഷണം. കൈവേലിക്കല്‍ കെ.വി ബഷീറിന്റെ ഭാര്യയുടെ ഒന്നര പവന്റെ ബ്രേസ്‌ലെറ്റാണ് മോഷ്ടിച്ചത്.
ഇന്നലെ പുലര്‍ച്ചെ മൂന്നോടെയായിരുന്നു സംഭവം. മോഷ്ടാവ് കിടപ്പുമുറിയുടെ ജനല്‍ തുറന്ന് റംലയുടെ കയ്യിലണിഞ്ഞ ആഭരണം ഊരിയെടുക്കുകയായിരുന്നു. ശബ്ദം കേട്ട് വീട്ടുകാര്‍ ഉണര്‍ന്നെങ്കിലും മോഷ്ടാവ് രക്ഷപ്പെട്ടു. സമീപമുള്ള ബഷീറിന്റെ ജ്യേഷ്ഠന്‍ കെ.വി മുഹമ്മദിന്റെ വീട്ടിലും മോഷണശ്രമം നടന്നു. കൊടുവള്ളി പൊലിസ് സ്ഥലത്തെത്തി പരിശോധന നടത്തി. പ്രദേശത്ത് നിരവധി വീടുകള്‍ കേന്ദ്രീകരിച്ച് മോഷണം നടത്തിയ കുപ്രസിദ്ധ മോഷ്ടാവ് കോതമംഗലം സ്വദേശി ആസിഡ് ബിജുവിനെ കൊടുവള്ളി പൊലിസ് കഴിഞ്ഞയാഴ്ച്ച ഓമശ്ശേരിയില്‍ നിന്ന് പിടികൂടിയിരുന്നു.