തേഞ്ഞിപ്പലം: ഉത്തമമായ സര്‍ഗസൃഷ്ടി വായനക്കാരനെ ചിന്തിപ്പിക്കുന്നതാകണമെന്ന് ഹിന്ദി കഥാകൃത്തും കേന്ദ്ര സാഹിത്യ അക്കാദമി അവാര്‍ഡ് ജേതാവുമായ മൃദുല ഗര്‍ഗ് പറഞ്ഞു.  കാലിക്കറ്റ് സര്‍വകലാശാലാ ഹിന്ദി പഠനവിഭാഗം സംഘടിപ്പിച്ച സര്‍ഗസംവാദത്തില്‍ സംസാരിക്കുകയായിരുന്നു അവര്‍. സ്വന്തം ജീവിതത്തോട് എഴുത്തുകാരന്‍ നീതിപുലര്‍ത്തുമ്പോഴാണ് ഉത്തമ സാഹിത്യം ഉണ്ടാകുന്നതെന്നും മൃദുല ഗര്‍ഗ് പറഞ്ഞു. പഠനവകുപ്പ് മേധാവി ഡോ.വി.കെ സുബ്രമണ്യന്‍ അധ്യക്ഷനായി. ഡോ.പ്രമോദ് കൊവ്വപ്രത്ത്, ഡോ.പി.ജെ ഹെര്‍മന്‍ എന്നിവര്‍ സംസാരിച്ചു. ഗവേഷക വിദ്യാര്‍ഥികളും അധ്യാപകരും പങ്കെടുത്തു.