നേമം: ശിവരാത്രി ദിവസം ഇടമല ക്ഷേത്രത്തില്‍ ഭക്തജനങ്ങളുടെ നേര്‍ക്ക് കത്തിവീശി ഭീകരാന്തരീക്ഷം സൃഷ്ടിച്ച രണ്ടു യുവാക്കളെ നരുവാമൂട് പൊലിസ് അറസ്റ്റ് ചെയ്തു. പളളിച്ചല്‍ മൊട്ടമൂട് പറമ്പില്‍ തോട്ടത്തില്‍ വീട്ടില്‍ കിരണ്‍ (23) , മൊട്ടമൂട് ഊരാക്കോട്ടുകോണം മേലെക്കര പുത്തന്‍ വീട്ടില്‍ ഗണേശന്റെ മകന്‍ സുഭാഷ് (29) എന്നിവരെയാണ് അറസ്റ്റ് ചെയ്തത്. സ്ഥലത്തെത്തിയ പൊലിസ് ഏറെ നേരം പണിപ്പെട്ടാണ് പ്രതികളെ കീഴ്‌പ്പെടുത്തിയത്.
പിന്നീട് സ്റ്റേഷനിലെത്തിച്ചപ്പോള്‍ പ്രതികളില്‍ സുഭാഷ് സ്റ്റേഷനില്‍ ജി.ഡി ഡ്യൂട്ടിയിലുണ്ടായിരുന്ന എ.എസ്.ഐ പുഷ്പരാജിനെ ദേഹോപദ്രവം ഏല്‍പ്പിക്കുകയും ഫര്‍ണിച്ചറുകളും മറ്റ് ഉപകരണങ്ങളും അടിച്ചു തകര്‍ക്കുകയും ചെയ്തു. കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.