മാന്നാര്‍:  എണ്ണയ്ക്കാട് മൂന്നേക്കറുള്ള കുളത്തിലെ വളര്‍ത്ത് മത്സ്യങ്ങളെ വിഷം കലക്കി കൊല്ലുന്നതായി പരാതി. മാന്നാര്‍ കുട്ടംപേരൂര്‍ ഐരാട വടക്കേതില്‍ പുത്തന്‍ വീട്ടില്‍ ജോണ്‍ മാത്യുവിന്റെ കുളത്തിലെ മീനുകളാണു കൂട്ടത്തോടെ കഴിഞ്ഞ ദിവസം ചത്തുപൊങ്ങിയത്. കഴിഞ്ഞ ബുധനാഴ്ച മുതല്‍ ഇതു തുടരുകയാണ്. വിവരം അറിഞ്ഞെത്തിയ ഫിഷറീസ് വകുപ്പ് ഉദ്യോഗസ്ഥര്‍ ജലം പരിശോധിച്ചപ്പോഴാണു വിഷം കലര്‍ന്നതാണെന്നു കണ്ടെത്തിയത്. മാന്നാര്‍ പൊലീസ് കേസെടുത്തു.