കോഴിക്കോട്: പ്രളയക്കെടുതിയില്‍ വീട് നഷ്ടപ്പെട്ടവര്‍ക്ക് വേണ്ടി എസ്.കെ.എസ്.എസ്.എഫ് സംസ്ഥാന കമ്മിറ്റി സ്വരൂപിച്ച ദുരിതാശ്വാസ നിധിയില്‍ നിന്നും നിര്‍മിച്ച വീടിന്റെ താക്കോല്‍ ദാനം സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. 

സമസ്ത കോ ഓഡിനേഷന്‍ വയനാട് ജില്ലാ കണ്‍വീനര്‍ പി.സി ഇബ്‌റാഹീം ഹാജി താക്കോല്‍ ഏറ്റു വാങ്ങി. വയനാട് ജില്ലയിലെ പടിഞ്ഞാറത്തറ വൈപ്പാടിയിലാണ് വീട് നിര്‍മിച്ചത്. ചടങ്ങില്‍ കെ.ടി ഹംസ മുസ്‌ലിയാര്‍, വി. മൂസക്കോയ മുസ്‌ലിയാര്‍, ഇമ്പിച്ചിക്കോയ മുസ്‌ലിയാര്‍, ഹസന്‍ മുസ്‌ലിയാര്‍, കെ.കെ അഹമ്മദ് ഹാജി, പാലത്തായി മൊയ്തു ഹാജി, അശ്‌റഫ് ഫൈസി പനമരം, കാഞ്ഞായി മമ്മുട്ടി മുസ്‌ലിയാര്‍, ശൗക്കത്തലി മൗലവി വെള്ളമുണ്ട, എം. മുഹമ്മദ് ബഷീര്‍, മുഹമ്മദ് കുട്ടി യമാനി, അയ്യൂബ് മുട്ടില്‍, നൗഫല്‍ വാകേരി, അലി കെ. വയനാട്, ഖാസിം ദാരിമി പന്തിപ്പൊയില്‍ സംബന്ധിച്ചു.