മൗണ്ട്മംഗൂന: ന്യൂസീലന്‍ഡിനെതിരായ അവസാന ട്വന്റി 20മത്സരത്തിനിടെ പരുക്കേറ്റ ഇന്ത്യന്‍ വൈസ് ക്യാപറ്റന്‍ രോഹിത് ശര്‍മക്ക് ഏകദിന ടെസ്റ്റ് പരമ്പരകള്‍ നഷ്ടമാകും. അവസാന മത്സരത്തിനിടെ കാല്‍ കുഴക്ക് പരുക്കേറ്റ അദ്ദേഹം അര്‍ധസെഞ്ച്വറിയുമായി പവലിയനിലേക്ക് മടങ്ങുകയായിരുന്നു. പരുക്കേ ഗുരുതരമാണെന്നും വിശ്രമം ആവശ്യമാണെന്നും ബി.സി.സി.ഐ വൃത്തങ്ങളെ ഉദ്ദരിച്ച് വാര്‍ത്താ ഏജന്‍സിയായ പി.ടി.ഐ റിപ്പോര്‍ട്ട് ചെയ്തു.

മൂന്ന് മത്സരങ്ങളടങ്ങിയ ഏകദിന പരമ്പരക്ക് നാളെ തുടക്കമാകാനിരിക്കേയാണ് ഇന്ത്യന്‍ ക്യാംപിനെ കടുത്ത നിരാശയിലാക്കിയ വാര്‍ത്ത വന്നത്. ഇതോടെ ശേഷിക്കുന്ന മത്സരങ്ങളിലേക്ക് പകരം താരത്തെ കണ്ടെത്തേണ്ടി വരും. ഓപണറായ ശിഖര്‍ ധവാന് പരുക്കേറ്റ് മത്സരത്തില്‍ നിന്നും പിന്‍മാറിയതിനെ തുടര്‍ന്ന് യുവതാരം പൃത്വിഷായെ ഉള്‍പ്പെടുത്തിയിരുന്നു. ഇതിന് പിന്നാലെയാണ് സഹഓപറണര്‍ക്കും പരുക്കേറ്റത്.