കളമശ്ശേരി: കാറ്റിലും മഴയിലും മരം മറിഞ്ഞു വീണ് രണ്ടു കാറുകള്‍ തകര്‍ന്നു.തിങ്കളാഴ്ച വൈകീട്ട് 5.30 നോടെയാണ് അപകടം.
ഗവണ്‍മെന്റ് മെഡിക്കല്‍ കോളജിലെ പാര്‍ക്കിങ് സ്ഥലത്ത് നിര്‍ത്തിയിട്ടിരുന്ന കാറുകള്‍ക്ക് മുകളിലേക്കാണ് മരം മറിഞ്ഞു വീണത്. രോഗിയെ സന്ദര്‍ശിക്കാനെത്തിയ തൃപ്പൂണിത്തുറ പറപ്പിള്ളി വീട്ടില്‍ ബാലചന്ദ്രമേനോന്റെ സാന്‍ട്രോ കാറിനാണ് സാരമായി കേടുപറ്റിയത്. സമീപത്തായി നിര്‍ത്തിയിട്ടിരുന്ന മാരുതി ടാക്‌സി കാറിനും കേടുപറ്റി.അപകട സമയത്ത് കാറുകളില്‍ യാത്രക്കാരാരും ഉണ്ടായിരുന്നില്ല.
തൃക്കാക്കരയില്‍ നിന്നും യൂനിറ്റ് ഓഫിസര്‍ രജ്ഞിത്തിന്റെ നേതൃത്വത്തില്‍ ഫയര്‍ഫോഴ്‌സ് എത്തിയാണ് മറിഞ്ഞു വീണ മരത്തിന്റെ ശിഖരങ്ങള്‍ മുറിച്ചുമാറ്റിയ ശേഷം കാറുകള്‍ സ്ഥലത്തു നിന്നും മാറ്റുകയായിരുന്നു.