കോഴിക്കോട്: ലോക രക്തദാതാ ദിനാചരണത്തിന്റെ സംസ്ഥാനതല ഉദ്ഘാടനം ഇന്നു വൈകിട്ടു മൂന്നിന് മേയര്‍ തോട്ടത്തില്‍ രവീന്ദ്രന്‍ നിര്‍വഹിക്കും. മലബാര്‍ ക്രിസ്ത്യന്‍ കോളജില്‍ നടക്കുന്ന ചടങ്ങില്‍ എം.കെ രാഘവന്‍ എം.പി, എ. പ്രദീപ്കുമാര്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, എ.ഡി.എം ടി. ജനില്‍ കുമാര്‍, എയ്ഡ്‌സ് നിയന്ത്രണ സൊസൈറ്റി പ്രൊജക്ട് ഡയരക്ടര്‍ ഡോ. എസ്. ജയശങ്കര്‍ സംബന്ധിക്കും.
'രക്തം നമ്മെ കോര്‍ത്തിണക്കുന്നു; രക്തം നല്‍കൂ, ജീവന്‍ പങ്കുവയ്ക്കൂ' എന്ന സന്ദേശത്തില്‍ നടക്കുന്ന ദിനാചരണത്തിന്റെ ഭാഗമായി ഇന്നു രാവിലെ ഒന്‍പതു മുതല്‍ സന്നദ്ധ രക്തദാന ക്യാംപും 10.30ന് സെമിനാറും നടക്കും.