പയ്യന്നൂര്‍: പതിനൊന്നുകാരിയെ ലൈംഗിക പീഡനത്തിനിരയാക്കിയ യുവാവിനെ പൊലിസ് അറസ്റ്റ് ചെയ്തു. മാടായി സ്വദേശി ഫൈസലിനെ (42) ആണ് പയ്യന്നൂര്‍ പൊലിസ് അറസ്റ്റ് ചെയ്തത്. 2018 ഏപ്രില്‍ മാസം മുതല്‍ പെണ്‍കുട്ടിയെ ഫൈസല്‍ ലൈംഗിക പീഡനത്തിനിരയാക്കിയെന്നാണു കുട്ടിയുടെ രക്ഷിതാക്കള്‍ പൊലിസിനും ചൈല്‍ഡ് ലൈനും നല്‍കിയ പരാതി.  സ്‌കൂളിലെ അധ്യാപകരോടു കുട്ടി പീഡനത്തെക്കുറിച്ച് പറയുകയും പിന്നീടു ചൈല്‍ഡ് ലൈന്‍ അധികൃതരെത്തി മൊഴിയെടുക്കുകയും ചെയ്തു. കുട്ടിയുടെ മൊഴിയുടെ അടിസ്ഥാനത്തില്‍ പയ്യന്നൂര്‍ പൊലിസ് കേസെടുക്കുകയുമായിരുന്നു. പ്രതിയെ ഇന്നു കോടതിയില്‍ ഹാജരാക്കും.