പള്ളിക്കല്‍: വിദ്യാര്‍ഥികളെ കയറ്റാത്ത ബസുകള്‍ക്കെതിരേ കര്‍ശന നടപടിയുമായി എസ്.ഐ പി ചന്ദ്രന്റെ നേതൃത്വത്തില്‍ തേഞ്ഞിപ്പലം പൊലിസ് രംഗത്ത്. തേഞ്ഞിപ്പലം പൊലിസ് സ്റ്റേഷന്‍ പരിധിയിലെ വിവിധ ഭാഗങ്ങളില്‍ ഇതിനായി ഇന്നലെ മുതല്‍ പ്രത്യേകം പൊലിസിനെ നിയോഗിച്ചു പരിശോധന നടത്തി വരുന്നു. വിദ്യാര്‍ഥികളെ കയറ്റാന്‍ തയാറാകാത്ത ബസുകള്‍ക്കെതിരേ ആദ്യമെന്നോണം താക്കീത് നല്‍കിയും തുടര്‍ന്നും ആവര്‍ത്തിച്ചാല്‍ കര്‍ശന നടപടിയുമായി മുന്നോട്ട് പോകുമെന്നും പൊലിസ് ബസ് ജീവനക്കാര്‍ക്ക് മുന്നറിയിപ്പ് നല്‍കി.