ഗൂഡല്ലൂര്‍: ഈ മാസം അഞ്ചിന് ഗൂഡല്ലൂരില്‍ നടക്കുന്ന എസ്.കെ.എസ്.എസ്.എഫ് നീലഗിരി ജില്ലാ സമ്മേളന പ്രചരണാര്‍ഥം സമസ്ത ജില്ലാ നേതാക്കളുടെ നേതൃത്വത്തില്‍ പന്തല്ലൂര്‍, ഗൂഡല്ലൂര്‍ താലൂക്കുകളിലായി നടന്ന മഹല്ല് പര്യടനം സമാപിച്ചു.
 കൂറ്റിമൂച്ചിയില്‍നിന്ന് ആരംഭിച്ച ഗൂഡല്ലൂര്‍ താലൂക്ക് പര്യടനം ദേവര്‍ഷോല ത്രീ ഡിവിഷനില്‍ സമാപിച്ചു. സമസ്ത ജില്ലാ പ്രസിഡന്റ് ഒ.കെ ഇമ്പിച്ചിക്കോയ തങ്ങള്‍, ജില്ലാ സെക്രട്ടറി പി.കെ മുഹമ്മദലി ബാഖവി, എസ്.വൈ.എസ് സംസ്ഥാന സെക്രട്ടറി ശരീഫ് ദാരിമി, എസ്.കെ.എസ്.എസ്.എഫ് ജില്ലാ പ്രസിഡന്റ് ശുഐബ് നിസാമി, ജില്ലാ സെക്രട്ടറി മുജീബ് റഹ്മാന്‍ മൗലവി, ശമീര്‍ ലത്വീഫി, അബ്ദുറഹ്മാന്‍ ഫൈസി, മൊയ്തീന്‍ റഹ്മാനി, ദില്‍ശാദ് ഉപ്പട്ടി, ശാഹുല്‍ ദേവാല എന്നിവര്‍ നേതൃത്വം നല്‍കി.
മഹല്ല് ഭാരവാഹികളെയും ഖത്വീബുമാരെയും സംഘടനാ പ്രവര്‍ത്തകരെയും നേരില്‍ കണ്ട് സമ്മേളനത്തിലേക്ക് ക്ഷണിക്കുകയും പ്രചരണ പ്രവര്‍ത്തനങ്ങള്‍ വിലയിരുത്തുകയും ചെയ്തു.
ത്രീ ഡിവിഷനില്‍ നടന്ന സമാപന സംഗമം ശുഐബ് നിസാമി ഉദ്ഘാടനം ചെയ്തു.
മുജീബ് റഹ്മാന്‍ മൗലവി നെല്ലാക്കോട്ട മുഖ്യപ്രഭാഷണം നടത്തി. അലവിക്കുട്ടി ഹാജി, ഹസന്‍ സ്വാലിഹി, ഉമൈര്‍, ശാജഹാന്‍ എന്നിവര്‍ സംബന്ധിച്ചു. മദീന പാഷന്‍ ക്യാംപ് അംഗങ്ങള്‍ക്കുള്ള ക്ലസ്റ്റര്‍ പ്രീകോണുകള്‍ക്ക് അന്തിമ രൂപമായി. നെല്ലാക്കോട്ട ക്ലസ്റ്റര്‍ ബിദര്‍ക്കാട് ഇസ്സത്തുല്‍ ഇസ്‌ലാം മദ്‌റസയിലും ദേവര്‍ശോല ക്ലസ്റ്റര്‍ പാടന്തറ മുനവ്വിറുല്‍ ഇസ്‌ലാം മദ്‌റസയിലും ദേവാല ക്ലസ്റ്റര്‍ ദേവാല എസ്.കെ.എസ്.എസ്.എഫ് ഓഫിസിലും ഓവേലി ക്ലസ്റ്റര്‍ എല്ലമലയിലും ഗൂഡല്ലൂര്‍ ക്ലസ്റ്റര്‍ ഫസ്റ്റ് മൈല്‍ ഹയാത്തുല്‍ ഇസ്‌ലാം മദ്‌റസയിലും നടക്കും.
ഹനീഫ ഫൈസി കോഴിപ്പാലം, സലീം ഫൈസി കുറ്റിമൂച്ചി, കബീര്‍ നിസാമി ചെമ്പാല, ഫള്‌ലു റഹ്മാന്‍ ദാരിമി പെരിയശോല, അബ്ദുറഹ്മാന്‍ ഫൈസി ത്രീ ഡിവിഷന്‍ എന്നിവര്‍ നേതൃത്വം നല്‍കും.