കോഴിക്കോട്: പാചകവാതക വില കുത്തനെ കൂട്ടിയ കേന്ദ്ര സര്‍ക്കാരിന്റെ തീവെട്ടിക്കൊള്ളയ്‌ക്കെതിരേ മുസ്‌ലിം ലീഗ് സംസ്ഥാന വ്യാപകമായി ഇന്ന് പഞ്ചായത്ത്, മുനിസിപ്പല്‍ കേന്ദ്രങ്ങളില്‍ പ്രതിഷേധ പ്രകടനങ്ങള്‍ സംഘടിപ്പിക്കാന്‍ സംസ്ഥാന ജനറല്‍ കെ.പി.എ മജീദ് ആഹ്വാനം ചെയ്തു.
ലോക്‌സഭാ തെരഞ്ഞെടുപ്പിന് തൊട്ടുപിന്നാലെ പെട്രോള്‍, ഡീസല്‍ വില വന്‍തോതില്‍ വര്‍ധിപ്പിച്ചിരുന്നു.
മോദിയും അമിത്ഷായും നേരിട്ടു നയിച്ചിട്ടും ഡല്‍ഹിയില്‍ ജനം തള്ളിയതിന്റെ പകപോക്കാന്‍ 150 രൂപയോളമാണ് ഒറ്റയടിക്ക് പാചകവാതക വില വര്‍ധിപ്പിച്ചത്. കുത്തക കോര്‍പറേറ്റ് കമ്പനികള്‍ക്കു ലാഭം വര്‍ധിപ്പിക്കാന്‍ സാധാരണക്കാരുടെ കീശ ചോര്‍ത്തുന്ന കേന്ദ്ര സര്‍ക്കാര്‍ സമീപനം അവസാനിപ്പിക്കണമെന്നും മജീദ് ആവശ്യപ്പെട്ടു.