കുമ്പള: ഖാസി ടി.കെ.എം ബാവ ഉസ്താദിന്റെ പേരില്‍ പുത്തിഗെ കളത്തൂരില്‍ ആരംഭിക്കുന്ന അക്കാദമിയുടെ ശിലാസ്ഥാപനം കര്‍മം സയ്യിദ് ഹൈദരലി ശിഹാബ് തങ്ങള്‍ നിര്‍വഹിച്ചു. രാജ്യത്ത് വളര്‍ന്നു വരുന്ന അധാര്‍മികതയും യുവജനങ്ങളുടെ ഇടയില്‍ വളരുന്ന മദ്യ മയക്കുമരുന്ന് കാംപസ് അക്രമങ്ങള്‍ അടങ്ങിയ അരാജകത്വത്തിനെതിരേ ശക്തമായ ബോധവല്‍ക്കരണങ്ങള്‍ നടത്താന്‍ മത കലാലയങ്ങളില്‍ പഠിക്കുന്ന വിദ്യാര്‍ഥികള്‍ക്കു കഴിയുമെന്നു അദ്ദേഹം പറഞ്ഞു. തുടര്‍ന്നു നടന്ന പൊതുസമ്മേളനത്തില്‍ സംസാരിക്കുകയായിരുന്നു അദ്ദേഹം. സമസ്ത കേന്ദ്രമുശാവറ പ്രസിഡന്റ് പ്രൊഫ. കെ ആലിക്കുട്ടി മുസ്‌ലിയാര്‍ അധ്യക്ഷനായി.
സപ്ലിമെന്റ് യഹ്‌യാ തളങ്കര അലി തങ്ങള്‍ക്കു നല്‍കി പ്രകാശനം ചെയ്തു. യു.എം അബ്ദുല്‍ റഹ്മാന്‍ മുസ്‌ലിയാര്‍, എം.എ ഖാസിം മുസ്‌ലിയാര്‍, മെട്രോ മുഹമ്മദ് ഹാജി, എം.എസ് തങ്ങള്‍, വി.കെ അബ്ദുല്‍ ഖാദര്‍ മുസ്‌ലിയര്‍, ഹാദി തങ്ങള്‍, കെ.എം അബ്ബാസ് ഫൈസി, സിറാജുദ്ദീന്‍ ഫൈസി, നാസര്‍ ഫൈസി, സൈനുല്‍ ആബിദീന്‍ തങ്ങള്‍ കുന്നുംകൈ, അബു മുസ്‌ലിയാര്‍, അബ്ദുല്‍ ഖാദര്‍ മുസ്‌ലിയാര്‍, ശമീം തങ്ങള്‍ കുമ്പോല്‍, എ.പി അസീസ് മുസ്‌ലിയാര്‍, അബ്ദുല്‍ സലാം ദാരിമി, ഹംസത്തു സഅദി, സ്വാലിഹ് മൗലവി, പി.എസ് ഇബ്രഹിം ഫൈസി, അബ്ദുല്‍ മജീദ് ബാഖവി, ഇബ്രാഹീം ഫൈസി ജെഡിയാര്‍, ഹക്കീം കുന്നില്‍, വി.വി രാജന്‍, എ.എ കയ്യംകൂടല്‍, ഹര്‍ഷാദ് വൊര്‍ക്കാടി, എം അബ്ദുല്ല, അബൂബക്കര്‍ സാലൂദ് നിസാമി, ഹാരിസ് ദാരിമി, ഹനീഫ് നിസാമി, എസ്.പി സ്വലാഹുദ്ദീന്‍, സൈനുദ്ദീന്‍ ഹാജി, ഖാലിദ് ബാഖവി, മജീദ് ദാരിമി, ശാഫി ഹാജി സംബന്ധിച്ചു.