മലപ്പുറം: കേരളാ ഹയര്‍സെക്കന്‍ഡറി ടീച്ചേഴ്‌സ് യൂനിയന്‍ (കെ.എച്ച്.എസ്.ടി.യു) 16ാം സംസ്ഥാന സമ്മേളനം മലപ്പുറത്തു സമാപിച്ചു. മൂന്നു ദിവസങ്ങളിലായി നടന്ന സമ്മേളനത്തില്‍ ഇന്നലെ നടന്ന അക്കാദമിക് സമ്മേളനം എം.പി അബ്ദുസ്സമദ് സമദാനി ഉദ്ഘാടനം ചെയ്തു. പി. കൃഷ്ണന്‍ നമ്പൂതിരി അധ്യക്ഷനായി.
കെ.കെ ആബിദ് ഹുസൈന്‍ തങ്ങള്‍ എം.എല്‍.എ, കെ. രാകേഷ്, എ.എം അബൂബക്കര്‍, എ. മുഹമ്മദ് മാസ്റ്റര്‍, ജമാല്‍, വിളക്കോട്ടൂര്‍ മുഹമ്മദലി, സന്തോഷ് കുമാര്‍, എം.എം ഷാഫി സംസാരിച്ചു. സമ്പൂര്‍ണ സമ്മേളനം പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്തു. ടി.വി ഇബ്രാഹീം എം.എല്‍.എ അധ്യക്ഷനായി. സംസ്ഥാന പ്രസിഡന്റ് കെ.ടി അബ്ദുല്‍ ലത്വീഫ്, മുജീബ് കാടേരി, ടി.പി അഷ്‌റഫലി, കെ.വി മനോജ്, എ. ഷൗക്കത്തലി, സജി ജോസഫ്, വി.കെ അബ്ദുര്‍റഹ്മാന്‍, കെ. മുഹമ്മദ് ഇസ്മാഈല്‍ സംസാരിച്ചു.
കെ.എച്ച്.എസ്.ടി.യു സംസ്ഥാന കമ്മിറ്റി രൂപപ്പെടുത്തയ കെ.പി രാമന്‍ മാസ്റ്റര്‍ പ്രതിഭാ പുരസ്‌കാരം പാലക്കാട് എരുമയൂര്‍ ഗവ. ഹയര്‍സെക്കന്‍ഡറി സ്‌കൂള്‍ അധ്യാപകന്‍ കെ.വി മനോജിന് സമ്മാനിച്ചു. സര്‍വിസില്‍നിന്നു വിരമിക്കുന്ന അധ്യാപകര്‍ക്കു പുരസ്‌കാരങ്ങള്‍ നല്‍കി.
സമാപന സമ്മേളനം പി. ഉബൈദുല്ല എം.എല്‍.എ ഉദ്ഘാടനം ചെയ്തു. നിസാര്‍ ചേലേരി അധ്യക്ഷനായി. ടി.പി ഉണ്ണിമൊയ്തീന്‍, ജീലാ ബീഗം, പി.സി സിറാജ്, വി.പി അബ്ദുസ്സലീം, ഇബ്രാഹീം കുട്ടി, ഡോ. പി.പി അബ്ദുല്‍ അസീസ്, നുഹ്മാന്‍ ശിബ്‌ലി സംസാരിച്ചു.