മലപ്പുറം: ലോക്‌സഭാ തെരഞ്ഞെടുപ്പിന്റെ മുന്നോടിയായുള്ള മലപ്പുറം നിയോജക മണ്ഡലം മുസ്‌ലിംലീഗ് കണ്‍വന്‍ഷന്‍ നാളെ വൈകീട്ട് നാലിന് മലപ്പുറം ഖായിദേ മില്ലത്ത് സൗധത്തില്‍ നടക്കും.
മുസ്‌ലിംലീഗ് മലപ്പുറം നിയോജക മണ്ഡലം കൗണ്‍സിലര്‍മാര്‍, പഞ്ചായത്ത്, മുനിസിപ്പല്‍ മുസ്‌ലിംലീഗ് കമ്മിറ്റി ഭാരവാഹികള്‍, മുസ്‌ലിംലീഗ് വാര്‍ഡ് പ്രസിഡന്റ്, സെക്രട്ടറിമാര്‍, ജനപ്രതിനിധികള്‍ എന്നിവര്‍ പങ്കെടുക്കണം. മാര്‍ച്ച് പത്തിന് ജലസംരക്ഷണ ദിനമായി ആചരിക്കുവാനും തീരുമാനിച്ചു.
യോഗത്തില്‍ മുസ്‌ലിംലീഗ് മലപ്പുറം നിയോജക മണ്ഡലം കമ്മിറ്റി പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനായി. വി മുസ്തഫ, സി.എച്ച് ഹസ്സന്‍ ഹാജി, പി ബീരാന്‍കുട്ടി ഹാജി, ടി സൈതാലി മൗലവി, എ.എം കുഞ്ഞാന്‍, പി.എ സലാം, ബി മുഹമ്മദ്കുട്ടി മാസ്റ്റര്‍, ഒ.പി കുഞ്ഞാപ്പു ഹാജി, സി.കെ മുഹമ്മദ്, മന്നയില്‍ അബൂബക്കര്‍ സംസാരിച്ചു.