കാസര്‍കോട്: എസ്.കെ.എസ്.എസ്.എഫ് ജില്ലാ കമ്മിറ്റി ഏപ്രില്‍ 14 മുതല്‍ 16വരെ ഹുദൈബിയ്യ നഗര്‍ തളങ്കരയില്‍സംഘടിപ്പിക്കുന്ന ജില്ലാ സമ്മേളനത്തിന്റെ ഭാഗമായി ശാഖ, ക്ലസ്റ്റര്‍, മേഖല പ്രസിഡന്റ്, സെക്രട്ടറിമാരെ പങ്കെടുപ്പിച്ച് ശില്‍പശാല സംഘടിപ്പിച്ചു.
കാസര്‍കോട്ട് സംഘടിപ്പിച്ച ലീഡേഴ്‌സ് സംഗമം എസ്.കെ.എസ്.എസ്.എഫ് മുന്‍ ജില്ലാ പ്രസിഡന്റ് സയ്യിദ് ഹാദി തങ്ങള്‍ മൊഗ്രാല്‍ ഉദ്ഘാടനം ചെയ്തു.
ജില്ലാ പ്രസിഡന്റ് താജുദ്ധീന്‍ ദാരിമി പടന്ന അധ്യക്ഷനായി. ജില്ലാ ജനറല്‍ സെക്രട്ടറി ഹാരിസ് ദാരിമി ബെദിര, ജില്ലാ ട്രഷറര്‍ സുഹൈര്‍ അസ്ഹരി പള്ളങ്കോട്, സ്വാദിഖ് ഓട്ടപ്പടവ്, ബഷീര്‍ മൗലവി സംബന്ധിച്ചു.
ക്ലസ്റ്റര്‍ തലങ്ങളില്‍ ട്രെയ്‌നിങ് സ്‌കൂള്‍, തൊഴില്‍ പരിശീലന യന്ത്ര വിതരണം, ജില്ലയില്‍ തിരഞ്ഞെടുക്കപ്പെട്ട വിദ്യാര്‍ഥികള്‍ക്ക് സി.എം ഉസ്താദ് സ്‌കോളര്‍ഷിപ്പ്,  ഹയര്‍ സെക്കന്‍ഡറി സമ്മേളനം, മുത്വവല്ലി സംഗമം, ബിരുധദാരികളുടെ സംഗമം, യുവ പ്രവാഹം, ഗ്രാജ്വേറ്റ് മീറ്റ്, ശാഖതലങ്ങളില്‍ ഖുര്‍ആന്‍ ഹിഫ്‌ള് പാരായണ മത്സരം, മേഖല തലങ്ങളില്‍ കെമിസ്ട്രി ഓഫ് ലൗവ്വ് തുടങ്ങിയ ക്ലാസുകള്‍ സംഘടിപ്പിക്കും.