കരുനാഗപ്പള്ളി: അപകടത്തില്‍പ്പെട്ട് മറിഞ്ഞ ഗ്യാസ് ടാങ്കര്‍ കഴിഞ്ഞ ദിവസം പുലര്‍ച്ചെ ഉയര്‍ത്തി. മറ്റൊരു ടാങ്കിലേക്ക് നീക്കുന്നതിനിടെ ഗ്യാസ് ചോര്‍ന്നത് പരിഭ്രാന്തിക്കിടയാക്കി. ഫയര്‍ഫോഴ്‌സ് സമയോചിതമായി ഇടപ്പെട്ട്  ചോര്‍ച്ച പരിഹരിച്ചു.
ദേശീയപാത ചങ്ങന്‍കുളങ്ങരയില്‍ ചൊവ്വാഴ്ച പുലര്‍ച്ചെ 5.30നാണ് പാചക വാതകവുമായി വന്ന ബുള്ളറ്റ് ടാങ്കര്‍ നിയന്ത്രണം വിട്ട് സമീപത്തുള്ള കുഴിയിലേക്ക് മറിഞ്ഞത്. കൊച്ചിയില്‍ നിന്നുള്ള ഉന്നത ഉദ്യോഗസ്ഥര്‍ വൈകിട്ട് അഞ്ചോടെ  എത്തിയിരുന്നു.
ടാങ്കര്‍ ഉയര്‍ത്തുന്നത് വരെ ഈ പ്രദേശങ്ങളില്‍ വൈദ്യുതി ബന്ധം വിഛേദിക്കുകയും, വാഹനങ്ങള്‍ ഇത് വഴി കടത്തിവിടാതെ പൊലിസ് സുരക്ഷ ഒരുക്കുകയും ചെയ്തു.
ഇന്നലെ പുലര്‍ച്ചെ
ഏഴോടെയാണ് ദേശീയപാതയില്‍ ഗതാഗതം പുനഃസ്ഥാപിച്ചത്.