മുഹമ്മ: കടുപിടിച്ചു കിടന്ന പറമ്പില്‍ നിന്ന് വര്‍ഷങ്ങള്‍ പഴക്കമുള്ള ചെമ്പ്, ഓട്ട് പാത്രങ്ങള്‍ കണ്ടെത്തി.
മുഹമ്മ പഞ്ചായത്ത് നാലാം വാര്‍ഡ് പട്ടാറ വെളി പുരയിടത്തില്‍ നിന്നാണ് പാത്രങ്ങള്‍ കണ്ടെത്തിയത്. തൊഴിലുറപ്പ് തൊഴിലാളികളാണ് ഇവ കണ്ടെത്തിയത്. ചെമ്പ് വാര്‍പ്പ്, കുട്ടകം, ഭരണി, ഓട്ട് നിലവിളക്ക് എന്നിവയാണ് ഉപേക്ഷിക്കപ്പെട്ട നിലയില്‍ കാണപ്പെട്ടത്.
പാത്രങ്ങള്‍ ക്ലാവ് പിടിച്ച നിലയിലാണ്. നാട്ടുകാര്‍ വിവരമറിയിച്ചതനുസരിച്ച് മുഹമ്മ പൊലിസ് സ്ഥലത്തെത്തി പാത്രങ്ങള്‍ സ്‌റ്റേഷനിലേയ്ക്ക് മാറ്റി. പാത്രങ്ങള്‍ മോഷണ മുതലാണെന്ന് സംശയിക്കുന്നു.