ജെയ്പൂര്‍: പിത്താശയത്തിലുള്ള കല്ല് നീക്കം ചെയ്യാന്‍ ഡോക്ടര്‍മാര്‍ക്ക് വേണ്ടിവന്ന സമയം അരമണിക്കൂര്‍ മാത്രം. എന്നാല്‍ ഈ കല്ലുകള്‍ എണ്ണി തിട്ടപ്പെടുത്താന്‍ എടുത്താന്‍ രണ്ടുമണിക്കൂര്‍ സമയം വേണ്ടിവന്നു.
സംസ്ഥാനത്തെ കോട്ട നഗരത്തിലെ ഒരു ആശുപത്രിയിലായിരുന്നു 45കാരനായ മുഹമ്മത് സാബിറിനെ ശസ്ത്രക്രിയക്ക് വിധേയനാക്കിയത്.
വയറുവേദനയുമായി ആശുപത്രിയിലെത്തിയ ഇയാളെ വിശദമായ പരിശോധന നടത്തിയപ്പോഴാണ് പിത്താശയത്തില്‍ കല്ലുള്ളതായി കണ്ടെത്തിയത്. പിത്താശയത്തില്‍ നിന്ന് നീക്കം ചെയ്തത് 5,070 കല്ലുകളാണെന്ന് ഡോക്ടര്‍മാര്‍ പിന്നീട് പറഞ്ഞു.
പിത്താശയത്തില്‍ ഇത്രയധികം കല്ലുകള്‍ കണ്ടെത്തുന്നത് അപൂര്‍വമാണെന്ന് ശസ്ത്രക്രിയക്ക് നേതൃത്വം നല്‍കിയ ഡോ. ജിന്‍ഡാല്‍ പറഞ്ഞു.