സന: തെക്കന്‍ യമനില്‍ യു.എസ് നടത്തിയ ഡ്രോണ്‍ ആക്രമണത്തില്‍ രണ്ടു പേര്‍ കൊല്ലപ്പെട്ടു. അല്‍ഖാഇദ അംഗങ്ങളാണ് കൊല്ലപ്പെട്ടതെന്ന് സംശയിക്കുന്നതായി സുരക്ഷാ ഉദ്യോഗസ്ഥര്‍ വ്യക്തമാക്കി. അബിയാനിലെ തെക്കന്‍ പ്രവിശ്യയായ അഹ്വാറിലാണ് സംഭവം. മോട്ടോര്‍ ബൈക്കില്‍ സഞ്ചരിക്കുകയായിരുന്ന യുവാക്കളാണ് ആക്രമണത്തില്‍ കൊല്ലപ്പെട്ടത്.
കഴിഞ്ഞ കുറച്ചു ദിവസങ്ങളായി രാജ്യത്തെ അല്‍ഖാഇദ പ്രവര്‍ത്തകര്‍ക്കു നേരെ യു.എസ് ആക്രമണം തുടരുകയാണ്. രണ്ടു ദിവസം മുമ്പ് അല്‍ഖാഇദ കേന്ദ്രങ്ങളില്‍ കനത്ത വ്യോമക്രമണം നടത്തിയിരുന്നു.