സുല്‍ത്താന്‍ ബത്തേരി: കേരളത്തിന്റെ രഞ്ജി ട്രോഫിയിലെ കുതിപ്പിന് അവസാനമായി. ചരിത്രത്തില്‍ ആദ്യമായാണ് കേരളം രഞ്ജി ട്രോഫിയുടെ സെമിയിലെത്തുന്നത്. നിലവിലെ ചാംപ്യന്‍മാരായ വിദര്‍ഭയോട് കേരളം ഇന്നിങ് തോല്‍വിയാണ് വഴങ്ങിയത്. ഇന്നിങ്‌സിനും 11 റണ്‍സിനുമാണ് കേരളം തോറ്റത്. ഇതോടെ കേരളം രഞ്ജി ട്രോഫിയില്‍ നിന്നും പുറത്തായി. കേരളത്തിന്റെ രണ്ടാം ഇന്നിങ്‌സ് 91 റണ്‍സിനു അവസാനിച്ചിരുന്നു.

102 റണ്‍സിന്റെ കടവുമായി ഇറങ്ങിയ കേരളം 24.5 ഓവറില്‍ 91 റണ്‍സിന് എല്ലാവരും പുറത്തായി. രണ്ട് ഇന്നിങ്‌സുകളില്‍ നിന്നായി 12 വിക്കറ്റ് വീഴ്ത്തിയ ഉമേഷ് യാദവാണ് മൂന്നര ദിവസത്തെ കളി ബാക്കി നില്‍ക്കെ മത്സരം വേഗത്തില്‍ അവസാനിപ്പിച്ചത്.

തുടര്‍ച്ചയായ രണ്ടാം സീസണിലാണ് കേരളത്തിന്റെ കുതിപ്പ് വിദര്‍ഭയ്ക്കു മുമ്പില്‍ അവസാനിക്കുന്നത്. കഴിഞ്ഞ തവണ ക്വാര്‍ട്ടറിലായിരുന്നുവെങ്കില്‍ ഇത്തവണയത് സെമിയിലാണെന്നു മാത്രം.