ഹരാരെ: സിംബാബ്‌വെ മുന്‍ പ്രസിഡന്റ് റോബര്‍ട്ട് മുഗാബെയുടെ വസതിയില്‍ രണ്ടുവര്‍ഷം മുന്‍പുണ്ടായത് വന്‍ കവര്‍ച്ച. ഏകദേശം പത്തു ലക്ഷം ഡോളറാണു മോഷണം പോയത്. സംഭവത്തില്‍ മുഗാബെയുടെ ബന്ധു അടക്കം നാലുപേര്‍ വിചാരണ നേരിടുന്നുണ്ട്.
2016ലാണ് തലസ്ഥാനമായ ഹരാരെയുടെ പടിഞ്ഞാറു ഭാഗത്തെ വിംബയിലുള്ള മുഗാബെയുടെ സ്വവസതിയില്‍ വന്‍ കവര്‍ച്ച നടന്നത്. ഇന്നലെയാണ് അന്വേഷണ സംഘം സംഭവത്തിന്റെ വിശദവിവരം കോടതിയില്‍ വെളിപ്പെടുത്തിയത്. ലക്ഷക്കണക്കിന് ഡോളറുകള്‍ പെട്ടിയിലാക്കി വീട്ടിലെ ലൈബ്രറിയില്‍ ഒളിപ്പിച്ചുവച്ചതായിരുന്നു മുഗാബെ.