മണ്ണാര്‍ക്കാട്: സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡിന്റെ കീഴില്‍ കര്‍ക്കിടാംകുന്ന് കാളമ്പാറയിലെ മമ്പഉല്‍ഉലൂം ഇംഗ്ലീഷ് മീഡിയം സ്‌കൂളില്‍ അല്‍ ബിര്‍റ് ഇസ്‌ലാമിക് പ്രീ-സ്‌കൂള്‍ തുടങ്ങി.
പാണക്കാട് സയ്യിദ് അബ്ബാസ് അലി ശിഹാബ് തങ്ങള്‍ ഉദ്ഘാടനം ചെയ്തു. അലനല്ലൂര്‍ റെയ്ഞ്ചിലെ മാതൃകാ അധ്യാപകനായി തിരഞ്ഞെടുത്ത കെ. യൂസഫ് മുസ്‌ലിയാര്‍ക്കുളള അവാര്‍ഡും, ഏഴാംതരം പൊതുപരീക്ഷയില്‍ ഉന്നത വിജയം നേടിയ ഖദീജ ഷെറിനുളള അവാര്‍ഡും അബ്ബാസ് അലി ശിഹാബ് തങ്ങള്‍ നല്‍കി.
പന്തലാന്‍ ഹംസു ഹാജി അധ്യക്ഷനായി. എസ്.വൈ.എസ് മണ്ഡലം ജനറല്‍ സെക്രട്ടറി സംസം ബഷീര്‍, അബ്ദു മുസ്‌ലിയാര്‍, ഡോ.ഫസല്‍ റഹ്മാന്‍, സ്വാലിഹ് ഫൈസി, അബൂബക്കര്‍ ഫൈസി, അബ്ബാസ് ഫൈസി, പി.പി.എച്ച് മുഹമ്മദ്, ഹംസ ഹാജി, പി.സി ഹംസ മാസ്റ്റര്‍, സി. ഹംസ, അഡ്വ.പി.കെ നാസര്‍, പി.കെ അബ്ദുല്‍ ഗഫൂര്‍ സംബന്ധിച്ചു.