മണ്ണാര്‍ക്കാട്: എസ്.കെ.എസ്.എസ്.എഫ് സംസ്ഥാന കമ്മിറ്റി സംരംഭമായ ഇസ്‌ലാമിക് സെന്ററിന്റെ ആഭിമുഖ്യത്തില്‍ പ്രമുഖ പണ്ഡിതനും യുവപ്രഭാഷകനുമായ സിംസാറുല്‍ ഹഖ് ഹുദവി (അബുദാബി)യുടെ റമദാന്‍ പ്രഭാഷണം ഇന്ന് തറാവീഹ് നിസ്‌കാരാനന്തരം മണ്ണാര്‍ക്കാട് ബസ് സ്റ്റാന്‍ഡിന് അടുത്തുള്ള കുടുഗ്രൗണ്ടില്‍ നടക്കും.
സമാപന ദിക്‌റ് ദുആ മജ്‌ലിസിന് പ്രമുഖ പണ്ഡിതനും സൂഫിവര്യനുമായ ഏലംകുളം ബാപ്പുമുസ്‌ലിയാര്‍ നേതൃത്വം നല്‍കും. ചെമ്മാട് ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയില്‍ നിന്നു ബിരുദവും ബിരുദാനന്തര ബിരുദവും നേടിയ സിംസാറുല്‍ ഹഖ് ഹുദവി അറബി, ഇംഗ്ലീഷ്, ഉറുദു എന്നീ ഭാഷകളിലായി വിവിധ രാഷ്ട്രങ്ങളില്‍ പ്രഭാഷണങ്ങള്‍ നടത്തി ശ്രദ്ധേയനായിട്ടുണ്ട്. അബൂദാബി ബ്രിട്ടീഷ് ഇന്റര്‍നാഷനല്‍ സ്‌കൂളില്‍ ഇസ്‌ലാമിക് സ്റ്റഡീസില്‍ ഡിപ്പാര്‍ട്ട്‌മെന്റ് മേധാവി കൂടിയാണ്. ലോകരാഷ്ട്രങ്ങളില്‍ പ്രഭാഷണം നടത്തി പ്രശസ്തനായ സിംസാറുല്‍ഹഖ് ഹുദവി ആദ്യമായാണ് മണ്ണാര്‍ക്കാട്ട് പ്രഭാഷണത്തിനെത്തുന്നത്.
ചടങ്ങ് എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത കേരള ജംഇയ്യത്തുല്‍ ഉലമ പ്രസിഡന്റ് കുമരംപുത്തൂര്‍ എ.പി മുഹമ്മദ് മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും.
എസ്.കെ.ജെ.എം സംസ്ഥാന പ്രസിഡന്റ് സി.കെ.എം സ്വാദിഖ് മുസ്‌ലിയാര്‍ അധ്യക്ഷനാകും. പി.വി അബ്ദുല്‍ വഹാബ് മുഖ്യാഥിതിയായിരിക്കും. ഹസ്സന്‍ സഖാഫി പൂക്കോട്ടൂര്‍ ആമുഖ പ്രഭാഷണം നടത്തും.
അഡ്വ.എന്‍ ഷംസുദ്ദീന്‍ എം.എല്‍.എ, പാണക്കാട് സയ്യിദ് സ്വാബിക്കലി ശിഹാബ് തങ്ങള്‍, ഓണംപിള്ളി മുഹമ്മദ് ഫൈസി, സത്താര്‍ പന്തല്ലൂര്‍, പി.കെ ഇമ്പിച്ചിക്കോയ തങ്ങള്‍ കൊടക്കാട്, സി.പി ബാപ്പുമുസ്‌ലിയാര്‍, കെ.സി അബൂബക്കര്‍ ദാരിമി, സി മുഹമ്മദലി ഫൈസി, അലവി ഫൈസി കുളപ്പറമ്പ്, ടി.കെ മുഹമ്മദ്കുട്ടി ഫൈസി പട്ടാമ്പി, കളത്തില്‍ അബ്ദുള്ള, ടി.എ സലാം മാസ്റ്റര്‍, ഫായിദ ബഷീര്‍, മുസ്തഫ അഷ്‌റഫി കക്കുപ്പടി, അഡ്വ.ടി.എ സിദ്ധീഖ്, ഷമീര്‍ ഫൈസി കോട്ടോപ്പാടം, കെ.പി ബാപ്പുട്ടിഹാജി, ഹമീദ് ഹാജി പൊന്നങ്കോട്, വി.കെ അബൂബക്കര്‍ എന്നിവര്‍ സംബന്ധിക്കും. ഹബീബ് ഫൈസി കോട്ടോപ്പാടം സ്വാഗതവും സംസം ബഷീര്‍ ഹാജി നന്ദിയും പറയും.