കൊല്ലം: കേന്ദ്രത്തിന്റെ നിഷേധാത്മക നിലപാട് പൊതുവിതരണ സംവിധാനത്തെ മുന്നോട്ടുകൊണ്ടുപോകുന്നതിന് സഹായകമല്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. കേരള റേഷന്‍ എംപ്ലോയീസ് ഫെഡറേഷന്‍ സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന സര്‍ക്കാരുമായി ആലോചിക്കാതെ ഏകപക്ഷീയമായി ഉദ്യോഗസ്ഥര്‍ എടുക്കുന്ന തീരുമാനം ഭക്ഷ്യവിതരണ രംഗത്ത് പ്രശ്‌നങ്ങള്‍ സൃഷ്ടിക്കുന്നതായും അദ്ദേഹം പറഞ്ഞു.
ഭാരവാഹികളായി ജെ. ഉദയഭാനു (പ്രസിഡന്റ്), മീനാങ്കല്‍ കുമാര്‍ (വര്‍ക്കിങ് പ്രസിഡന്റ്), പി. ജി പ്രിയന്‍കുമാര്‍ (ജനറല്‍ സെക്രട്ടറി), മുണ്ടുകോട്ടയ്ക്കല്‍ സുരേന്ദ്രന്‍ (ട്രഷറര്‍), മലയടി വിജയകുമാര്‍, കെ.പി വിശ്വനാഥന്‍ (ഓര്‍ഗനൈസിങ് സെക്രട്ടറിമാര്‍) എന്നിവരെ തെരഞ്ഞെടുത്തു.