കൊട്ടിയം: കണ്ണനല്ലൂരിലെ പൊലിസ് ഔട്ട് പോസ്റ്റ് പരിധിയ്ക്ക് പുറത്തായി. ഇവിടെ ഫോണില്‍  വിളിച്ചാല്‍ ആരെയും കിട്ടുന്നില്ല. 0474-2504000  എന്നതാണ് ടെലഫോണ്‍ നമ്പര്‍. എന്നാല്‍ ഈ നമ്പരിലേയ്ക്കുള്ള സേവനം താല്‍കാലികമായി നിര്‍ത്തിവച്ചിരിക്കുന്നുവെന്ന അറിയിപ്പാണ് വിളിക്കുന്നവര്‍ക്ക് ലഭിക്കുന്നത്.
റോഡില്‍നിന്ന് വാഹനയാത്രക്കാരെ പിഴിയുന്ന പിരിവു കേന്ദ്രമായി മാത്രം ഔട്ട് പോസ്റ്റ്  മാറിയെന്ന് പരാതിയുണ്ട്. ആകെയുള്ള രണ്ടു പേര്‍ രാവിലെ മുതല്‍ പെറ്റിയടിക്കാനിറങ്ങുകയാണത്രെ. ഡ്യൂട്ടിയ്ക്കായി ഇവിടെയിരിക്കാന്‍ മാസങ്ങളായി പൊലിസുകാരില്ല. കൊട്ടിഘോഷിച്ച് കഴിഞ്ഞ സര്‍ക്കാര്‍ ആരംഭിച്ച സ്‌റ്റേഷനാണ് ഈ ദുര്‍ഗതി. ആരെങ്കിലും പരാതിയുമായി വന്നാല്‍, പരാതി വാങ്ങാന്‍ പോലും ആരും ഇല്ലെന്നു പറയുന്നു.