മട്ടാഞ്ചേരി: പശ്ചിമകൊച്ചിയുടെ വിവിധ ഭാഗങ്ങളില്‍ ഡെങ്കിപനി രോഗം പടരുന്നതായി ആശങ്ക. നഗരസഭ മുന്നാം ഡിവിഷനില്‍ ഇരവേലിയില്‍ നിന്നുള്ള യുവതിക്ക് ഡെങ്കിപനി സ്ഥിരികരിച്ചതോടെ രോഗികളുടെ എണ്ണം മൂന്നായി. കുമ്പളങ്ങിയില്‍ മുന്നും ചെല്ലാനത്ത് അഞ്ച് പനി ബാധിതര്‍ക്കും ഡെങ്കിപ്പനി ലക്ഷണം കണ്ടതിനെ തുടര്‍ന്ന് ഇവരെ നിരീക്ഷിക്കുകയാണ്.
ഏതാനും ദിവസം മുമ്പ് ഡെങ്കിപനി മുലം നാല്പത് വയസ്സുള്ള എല്‍.ഐ.സി ഏജന്റ് മരണപ്പെട്ടിരുന്നു.രോഗവ്യാപനം ജനങ്ങളില്‍ ഭീതിയുണര്‍ത്തിക്കഴിഞ്ഞു.
ഡെങ്കിപനി ബോധവത്കരണവും പ്രതിരോധവും നടക്കുമ്പോഴും കുടുതല്‍ കേസുകള്‍ റിപ്പോര്‍ട്ട് ചെയ്യുന്നതും പടരുന്നതും ആരോഗ്യ വകുപ്പ് അധികൃതരെയും വലക്കുകയാണ്. പകല്‍ സമയങ്ങളില്‍ കടിക്കുന്ന കൊതുകാണ് രോഗം പരത്തുന്നതെന്നാണ് പറയുന്നത്. ശുദ്ധജലത്തിലാണ് ഈ കൊതുകുകള്‍ മുട്ടയിടുന്നത്. ഇത് മൂലം കുടിവെള്ളത്തിലൂടെയും രോഗ പകര്‍ച്ചയുണ്ടാകുമെന്നും പറയുന്നു.
തിളപ്പിച്ച വെള്ളം മാത്രം കുടിക്കുകയാണ് നല്ലതെന്ന് ഡോക്ടര്‍മാര്‍ പറയുന്നു. കൊതുകുനിവാരണത്തിന് ശക്തമായ നടപടിയും പ്രവര്‍ത്തനവും നടത്തണമെന്നു ജനകീയ സംഘടനകളും റസിഡന്റ്‌സ് അസോസിയേഷനുകളും ആവശ്യപ്പെട്ടു. ഡെങ്കിപ്പനിക്കൊപ്പം വൈറല്‍ പനിയും പടര്‍ന്നു പിടിക്കുന്നത് ആശങ്ക വര്‍ധിക്കാനുമിടയാക്കിയിട്ടുണ്ട്. പനി ലക്ഷണം കണ്ടാല്‍ ഉടന്‍ രോഗ പ്രതിരോധ പ്രവര്‍ത്തനം നടത്തണമെന്ന് ഡോക്ടര്‍മാര്‍ പറയുന്നു.