കൊച്ചി:ഇന്‍ഫോപാര്‍ക്കില്‍ താല്‍ക്കാലികമായി പഞ്ചിങ് നിര്‍ത്തിവച്ചു. ഇതുസംബന്ധിച്ച് കമ്പനികള്‍ ജീവനക്കാര്‍ക്ക് നിര്‍ദേശം നല്‍കി. കൂടാതെ പത്തനംതിട്ട സ്വദേശികള്‍ക്ക് വീട്ടിലിരുന്ന് ജോലി ചെയ്യാന്‍ സൗകര്യമൊരുക്കും. കൂടുതല്‍ പേര്‍ക്ക് കൊവിഡ് 19 സ്ഥിരീകരിക്കുന്ന പശ്ചാത്തലത്തിലാണ് നിര്‍ദേശം.

കൊവിഡ് സ്ഥിരീകരിച്ചതിന്റെ പശ്ചാത്തലത്തില്‍ സംസ്ഥാനത്ത് കനത്ത ജാഗ്രത നിര്‍ദേശങ്ങളുണ്ട്. കേരളത്തില്‍ 14 പേര്‍ക്കാണ് കോറോണ സ്ഥിരീകരിച്ചിട്ടുള്ളത്. ഇന്നലെ മാത്രം എട്ട് പേര്‍ക്ക് രോഗം സ്ഥിരീകരിച്ചിരുന്നു. രോഗം പടരുന്ന സാഹചര്യത്തില്‍ സംസ്ഥാനത്തെ നിയന്ത്രണങ്ങള്‍ കൂടുതല്‍ കര്‍ശനമാക്കുകയാണ്. ഇന്ന് കോടതി നടപടികളിലും നിയന്ത്രണം ഏര്‍പ്പെടുത്തി.

സെക്രട്ടറിയറ്റ് ഉള്‍പ്പെടെയുള്ള സംസ്ഥാന സര്‍ക്കാര്‍ ഓഫിസുകളിലും പൊതുമേഖലാ സ്ഥാപനങ്ങളിലും ബയോമെട്രിക് പഞ്ചിങ് പൂര്‍ണമായും നിര്‍ത്തിവച്ചിരിക്കുകയാണ്. മാര്‍ച്ച് 31 വരെയാണ് തീരുമാനം.