കണ്ണൂര്‍: കണ്ണൂര്‍ സര്‍വകലാശാലയിലെ അന്യായ സ്ഥലംമാറ്റം റദ്ദാക്കണമെന്നാവശ്യപ്പെട്ട് സമരം നടത്തിയ ജീവനക്കാര്‍ക്കെതിരേ നടപടി സ്വീകരിച്ചില്ലെന്ന് ആരോപിച്ച് രജിസ്ട്രാര്‍ക്കു സസ്‌പെന്‍ഷന്‍. കണ്ണൂര്‍ യൂനിവേഴ്‌സിറ്റി സ്റ്റാഫ് ഓര്‍ഗനൈസേഷന്‍ സര്‍വകലാശാലാ ആസ്ഥാന മന്ദിരത്തിനു മുന്നില്‍ ഇന്നലെ നടത്തിയ സമരത്തിന്റെ പേരിലാണു സര്‍വകലാശാലാ രജിസ്ട്രാര്‍ ബാലചന്ദ്രന്‍ കീഴോത്തിനെ സസ്‌പെന്‍ഡ് ചെയ്തത്. സമരം പ്രഖ്യാപിച്ചപ്പോള്‍ നേതാക്കള്‍ക്കു സര്‍വകലാശാല സമരം പാടില്ലെന്ന് കാണിച്ച് നോട്ടിസ് നല്‍കിയിരുന്നു.
എന്നാല്‍ ഇത് അവഗണിച്ച് സ്റ്റാഫ് ഓര്‍ഗനൈസേഷന്‍ സമരം നടത്തിയതിനു തൊട്ടുപിന്നാലെയാണു സസ്‌പെന്‍ഷന്‍. ജീവനക്കാര്‍ക്കെതിരേ നടപടി സ്വീകരിക്കാന്‍ സര്‍വകലാശാലാ സിന്‍ഡിക്കേറ്റിനും വൈസ് ചാന്‍സലര്‍ക്കും അധികാരമുണ്ടായിരിക്കെയാണു രജിസ്ട്രാറെ സമരത്തിന്റെ പേരില്‍ ബലിയാടാക്കിയതെന്നു യൂനിവേഴ്‌സിറ്റി സ്റ്റാഫ് ഓര്‍ഗനൈസേഷന്‍ ആരോപിച്ചു.
കോണ്‍ഗ്രസ് അനുകൂല അധ്യാപക സംഘടനയായ കെ.പി.സി.ടി.എ നേതാവാണു ബാലചന്ദ്രന്‍ കീഴോത്ത്.