മുക്കം: വയനാട് പാര്‍ലമെന്റ് മണ്ഡലത്തില്‍ സ്ഥാനാര്‍ത്ഥി നിര്‍ണയവുമായി ബന്ധപ്പെട്ട് യു.ഡി.എഫിലോ കോണ്‍ഗ്രസിലോ ഒരു ചര്‍ച്ചയും നടന്നിട്ടില്ലെന്ന് കോണ്‍ഗ്രസ് സംസ്ഥാന പ്രചാരണ സമിതി അധ്യക്ഷന്‍ കെ. മുരളീധരന്‍ എം.എല്‍.എ പറഞ്ഞു.
കാരശ്ശേരി കറുത്തപറമ്പില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. ഘടകകക്ഷികളുടെ സീറ്റ് വിഭജനംപോലും പൂര്‍ത്തിയായിട്ടില്ലെന്നും 25ന് മുന്‍പ് എല്ലാവരുടേയും സംശയം തീരുമെന്നും അദ്ദേഹം പറഞ്ഞു.
മുന്‍ എം.പി എം.ഐ ഷാനവാസിന്റെ മകള്‍ മത്സരിക്കുന്ന കാര്യം തീരുമാനമായിട്ടില്ലെന്നും മുരളീധരന്‍ പറഞ്ഞു.