തിരുവനന്തപുരം: കെ.പി.സി.സി ആസ്ഥാനമായ ഇന്ദിരാ ഭവനില്‍ അയ്യന്‍കാളിയുടെ ചരമവാര്‍ഷികം ആചരിച്ചു. സംസ്ഥാന അധ്യക്ഷന്‍ വി.എം സുധീരന്‍ ഉദ്ഘാടനം ചെയ്തു. വെള്ളയമ്പലത്തെ അയ്യന്‍കാളി പ്രതിമയിലും കെ.പി.സി.സിലെ അയ്യന്‍കാളിയുടെ ഛായചിത്രത്തിലും കെ.പി.സി.സി അധ്യക്ഷന്‍ വി.എം സുധീരന്‍ പുഷ്പാര്‍ച്ചന നടത്തി. അനുസ്മരണ സമ്മേളനത്തില്‍ മുന്‍മന്ത്രി വി.എസ് ശിവകുമാര്‍, മുന്‍ ഡെപ്യൂട്ടി സ്പീക്കര്‍ പാലോട് രവി, കെ.പി.സി.സി ജനറല്‍ സെക്രട്ടറിമാരായ ശരത്ചന്ദ്ര പ്രസാദ്, മണ്‍വിള രാധകൃഷ്ണന്‍, സെക്രട്ടറിമാരായ നെയ്യാറ്റിന്‍കര സനല്‍, മണക്കാട് സുരേഷ്, ദളിത് കോണ്‍ഗ്രസ് സംസ്ഥാന പ്രസിഡന്റ് വിദ്യാധരന്‍ തുടങ്ങിയവരും പങ്കെടുത്തു.