റിയാദ്: ജി.സി.സി തല ജല ഉച്ചകോടി അടുത്ത മാസം കുവൈത്തില്‍ അരങ്ങേറും. ജി.സി.സി സെക്രട്ടേറിയറ്റ് സുരക്ഷാ കൗണ്‍സിലിന്റെ സഹകരണത്തോടെ നടക്കുന്ന ഉച്ചകോടിയില്‍ ഗള്‍ഫ് രാജ്യങ്ങളില്‍ അനുഭവപ്പെടുന്ന ജല ദൗര്‍ലഭ്യവും ഭാവിയില്‍ ഉണ്ടായേക്കാവുന്ന രൂക്ഷമായ ജലക്ഷാമവും ചര്‍ച്ച ചെയ്യുകയും പരിഹാര നടപടികളില്‍ രാജ്യങ്ങള്‍ പരസ്പരം ധാരണയിലെത്തും.

ശുദ്ധജല ലഭ്യതയുടെ കാര്യത്തില്‍ ഉണ്ടായേക്കാവുന്ന പുതിയ വെല്ലുവിളികളെ കുറിച്ചും പുതിയ ജലോല്‍പാദന മാര്‍ഗങ്ങളെ കുറിച്ചും സമ്മേളനം ചര്‍ച്ച ചെയ്യും. ജി.സി.സിക്ക് പുറമെ മറ്റ് അറബ് രാജ്യങ്ങളില്‍നിന്നുള്ള ഗവേഷകരും ശാസ്ത്രജ്ഞരും പരിപാടിയില്‍ സംബന്ധിക്കുമെന്നും കുവൈത്ത് ശാസ്ത്ര ഗവേഷണ ഇന്‍സ്റ്റിറ്റ്യൂട്ട് അറിയിച്ചു.