ന്യൂഡല്‍ഹി: ശബരിമലയുമായി ബന്ധപ്പെട്ട വിവിധ ഹരജികള്‍ സുപ്രിം കോടതി ഇന്ന് ഒന്നിച്ചു പരിഗണിക്കും. ശബരിമലയില്‍ സ്ത്രീപ്രവേശനം അനുവദിച്ച ഭരണഘടന ബെഞ്ചിന്റെ വിധി പുന:പരിശോധിക്കണമെന്ന് ആവശ്യപ്പെട്ടുള്ള ഹരജികളാണ് ഭൂരിഭാഗവും.

65 ഹരജികളാണ് നാളെ ഒന്നിച്ചു പരിഗണിക്കുക. 55 പുന:പരിശോധന ഹരജികള്‍, നാല് റിട്ട് ഹരജികള്‍, രണ്ട് പ്രത്യേകാനുമതി ഹരജികള്‍, രണ്ട് ട്രാന്‍സ്ഫര്‍ ഹരജികള്‍ എന്നിവയാണ് കോടതിയുടെ പരിഗണനയിലേക്ക് എത്തുക. ഇതിനു പുറമേ ദേവസ്വം ബോര്‍ഡിന്റെ സാവകാശ അപേക്ഷയും പരിഗണിക്കും.

ചീഫ് ജസ്റ്റിസ് അധ്യക്ഷനായ അഞ്ചംഗ ഭരണഘടനാ ബെഞ്ചാവും വാദം കേള്‍ക്കുക.