HOME
DETAILS

മുക്കത്തെ ഗെയില്‍ വാതക പൈപ്പ് ലൈന്‍: സര്‍വേ തടഞ്ഞ നാട്ടുകാരെ അറസ്റ്റ് ചെയ്തു

  
backup
March 08 2017 | 22:03 PM

%e0%b4%ae%e0%b5%81%e0%b4%95%e0%b5%8d%e0%b4%95%e0%b4%a4%e0%b5%8d%e0%b4%a4%e0%b5%86-%e0%b4%97%e0%b5%86%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%b5%e0%b4%be%e0%b4%a4%e0%b4%95-%e0%b4%aa

മുക്കം: കൊടിയത്തൂര്‍ പന്നിക്കോട് രണ്ടാം ദിവസവും ഗെയില്‍ വാതക പൈപ്പ് ലൈന്‍ സര്‍വേ തടഞ്ഞത് സംഘര്‍ഷത്തിനിടയാക്കി. സര്‍വേ തടസപ്പെടുത്താന്‍ ശ്രമിച്ച നാട്ടുകാരെ പൊലിസ് അറസ്റ്റ് ചെയ്തു.
പന്നിക്കോട് പൂവാട്ട് ഭാഗത്ത് വന്‍ പൊലിസ് സാന്നിധ്യത്തിലാണ് ഉദ്യോഗസ്ഥര്‍ സര്‍വേക്കെത്തിയത്. എന്നാല്‍ നോട്ടിഫിക്കേഷന്‍ നടത്താത്ത ഭൂമിയിലാണ് സര്‍വേ നടത്തുന്നതെന്ന് ആരോപിച്ച് പഞ്ചായത്ത് മുന്‍ പ്രസിഡന്റ് ബഷീര്‍ പുതിയോട്ടില്‍, ഗെയില്‍ വിരുദ്ധ സമരസമിതി ജില്ലാ കണ്‍വീനര്‍ കെ.സി അന്‍വര്‍ എന്നിവര്‍ രംഗത്തെത്തി. കൊടുവള്ളി സി.ഐ ബിശ്വാസിന്റ സാന്നിധ്യത്തില്‍ ഗെയില്‍ അധികൃതരുമായി സംസാരിച്ചെങ്കിലും ഇരുവിഭാഗവും തങ്ങളുടെ നിലപാടില്‍ ഉറച്ചുനിന്നു. ഇതിനിടെ സര്‍വേനടപടികളുമായി ഗെയില്‍ അധികൃതര്‍ മുന്നോട്ട് പോകാന്‍ ശ്രമിച്ചത് സംഘര്‍ഷത്തിലേക്ക് എത്തുകയായിരുന്നു.
പിന്നീട് സമരസമിതി നേതാക്കളായ കെ.സി അന്‍വര്‍, ബഷീര്‍ പുതിയോട്ടില്‍, ശിഹാബ് മാട്ടുമുറി, ടി.പി മുഹമ്മദ്, യൂസഫ്, റഫീഖ് കുറ്റിയോട്ട്, കരീം പഴങ്കല്‍ തുടങ്ങി പത്തോളം പേരെ അറസ്റ്റ് ചെയ്ത് സര്‍വേ നടപടികള്‍ പുനരാരംഭിച്ചു. സംഘര്‍ഷ സാധ്യത കണക്കിലെടുത്ത് വന്‍ പൊലിസ് സംഘമാണ് പ്രദേശത്ത് നിലയുറപ്പിച്ചിരുന്നത്. കൊടിയത്തൂര്‍ പഞ്ചായത്തിലെ പൂവാട്ട് ഭാഗത്തെ സര്‍വേ നാട്ടുകാര്‍ തടഞ്ഞു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."