തിരുവനന്തപുരം: കൊവിഡ് ജാഗ്രാതാ നടപടികള്‍ കടുപ്പിച്ച് കേന്ദ്രസര്‍ക്കാര്‍. കേരളത്തില്‍ കൊവിഡ് സ്ഥിരീകരിച്ച ഏഴു ജില്ലകള്‍ അടച്ചിടേണ്ടിവരും. കാസര്‍കോട്, കണ്ണൂര്‍, മലപ്പുറം, എറണാകുളം, കോട്ടയം, പത്തനംതിട്ട, തിരുവനന്തപുരം ജില്ലകളാണ് സമ്പൂര്‍ണമായി അടച്ചിടേണ്ടിവരിക.

കാബിനറ്റ് സെക്രട്ടറിയും ചീഫ് സെക്രട്ടറിയും പങ്കെടുത്ത ചര്‍ച്ചയിലാണ് തീരുമാനം. അടച്ചിടുന്ന ജില്ലകളില്‍ അവശ്യസര്‍വീസുകള്‍ മാത്രമേ ഉണ്ടാവുകയുളളൂ.

രാജ്യത്തെ എഴുപത്തിയഞ്ചു ജില്ലകളിലാണ് കേന്ദ്രസര്‍ക്കാര്‍ ലോക്ഡൗണ്‍ നിര്‍ദ്ദേശിച്ചത്. രാജ്യത്ത് എല്ലാ ട്രെയിന്‍ സര്‍വീസുകളും മാര്‍ച്ച് 31 വരെ നിര്‍ത്തിവെച്ചതിന് പിന്നലെയാണ് കൊവിഡ് ബാധിത ജില്ലകള്‍ അടച്ചിടാന്‍ കേന്ദ്രസര്‍ക്കാര്‍ തീരുമാനിച്ചത്.