നാദാപുരം: നാലുവര്‍ഷത്തെ ബി.ജെ.പി ഭരണത്തില്‍ നേട്ടമുണ്ടായത് കോര്‍പറേറ്റുകള്‍ക്കെന്നും ഇന്ത്യയിലെ സമ്പത്തുകള്‍ ഒരുശതമാനം വരുന്ന വന്‍കിടക്കാര്‍ കൈയടക്കിയിരിക്കുകയാണെന്നും സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. കല്ലാച്ചിയില്‍ ഒഞ്ചിയം രക്തസാക്ഷിത്വത്തിന്റെ 70-ാം വാര്‍ഷികം ഉദ്ഘാടനം ചെയ്യുകയായിരുന്നു അദ്ദേഹം.
അടിക്കടിയുണ്ടാകുന്ന പെട്രോള്‍ വില വര്‍ധനവ് ജനജീവിതത്തെ ബാധിച്ചിരിക്കുകയാണെന്നും കാര്‍ഷിക മേഖലയില്‍ നേരിടുന്ന വെല്ലുവിളികള്‍ രാജ്യത്ത് ഗവണ്‍മെന്റിനെതിരായ പ്രതിഷേധമായി മാറുകയാണ്. ഹിന്ദു രക്ഷ പറഞ്ഞു അധികാരത്തില്‍ വന്നവര്‍ രാജ്യത്തെ ദലിതരുടെ പേരുപോലും ഉപയോഗിക്കുന്നതിന് തടസം നില്‍ക്കുകയാണെന്നും അദ്ദേഹം പറഞ്ഞു. ഏരിയാ സെക്രട്ടറി പി.പി ചാത്തു അധ്യക്ഷനായി. ജിലാ സെക്രട്ടറി പി. മോഹനന്‍, വി.പി കുഞ്ഞികൃഷ്ണന്‍, കെ.കെ ദിനേശന്‍, സി.എച്ച് ബാലകൃഷ്ണന്‍, പി.കെ മോഹന്‍ദാസ്, സി.എച്ച് മോഹനന്‍, പി.പി ബാല കൃഷ്ണന്‍ സംസാരിച്ചു.