പാലാ: നീലൂര്‍ മേഖലയില്‍ കഴിഞ്ഞദിവസം ഉണ്ടായ കനത്ത മഴയിലും കാറ്റിലും വ്യാപക കൃഷിനാശം. കണ്ടത്തിമാവ്, പുറവിള, മുണ്ടന്‍മുരിക്ക്, എള്ളുംപുറം, കിളിമണ്ണ്, മഠത്തിപ്പാറ തുടങ്ങിയ പ്രദേശങ്ങളില്‍ കാറ്റ് കനത്ത നാശം വിതച്ചു. നിരവധി പേരുടെ കൃഷിയും കാര്‍ഷിക വിളകളും നശിച്ചിട്ടുണ്ട്.
റബര്‍, തേക്ക്, ആഞ്ഞിലി, പ്ലാവ്, വാഴ, തെങ്ങ്, മരച്ചീനി തുടങ്ങിയ വിളകള്‍ക്ക് നഷ്ടം സംഭവിച്ചിട്ടുണ്ട്.
നീലൂര്‍ പ്ലാക്കൂട്ടത്തില്‍ ജോഷിയുടെ വീടിന്റെ മേല്‍ക്കുര കാറ്റില്‍ തകര്‍ന്നു. വീടിനു മുകളില്‍ പാകിയിരുന്ന ഷീറ്റുകള്‍ കാറ്റില്‍ പറന്ന് പോയി.
മുളക്കല്‍ ദേവസ്യാ, നീലൂര്‍ എസ്എച്ച് കോണ്‍വെന്റ്, പാലോളില്‍ കുര്യച്ചന്‍ തുടങ്ങിയവരുടെ കൃഷിക്കും നാശം സംഭവിച്ചിട്ടുണ്ട്.