ഓമശ്ശേരി: കേരളത്തെയും മലയാളികളെയും ഏറെ ഇഷ്ടപ്പെടുന്ന സ്വിറ്റ്‌സര്‍ലാന്‍ഡ് സ്വദേശി ടെര്‍ക് ടെ ബോറിനെ മലയാളം പഠിപ്പിച്ച് വിദ്യാര്‍ഥികള്‍.
ഓമശ്ശേരി വാദിഹുദാ ഇംഗ്ലീഷ് സ്‌കൂളില്‍ 'മൈ ഇംഗ്ലീഷ്' ക്യാംപയിന്‍ ഉദ്ഘാടനത്തിനെത്തിയതായിരുന്നു അദ്ദേഹം. പാട്ടും കഥകളുമായി അദ്ദേഹം ഒരുദിവസം മുഴുവന്‍ വിദ്യാര്‍ഥികള്‍ക്കൊപ്പം കൂടി. ലോകത്തിലെ കഠിനമായ ഭാഷയാണ് മലയാളമെന്നാണ് അഭിപ്രായമെങ്കിലും ഈ കുട്ടികളെപ്പോലുള്ളവര്‍ ഉണ്ടെങ്കില്‍ വേഗം പഠിച്ചെടുക്കാമെന്നാണ് ബോറിന്റെ പക്ഷം. കുട്ടികള്‍ക്ക് കൈ നിറയെ സമ്മാനവും നല്‍കിയാണ് അദ്ദേഹം മടങ്ങിയത്.  പ്രിന്‍സിപ്പല്‍ സുല്‍ഫിക്കര്‍ അമ്പലക്കണ്ടി അധ്യക്ഷനായി. മാനേജര്‍ എ.കെ അബ്ദുല്ല,പി.ടി.എ പ്രസിഡന്റ് കെ. അബ്ദുല്‍ ലത്തീഫ്, എ.പി മൂസ, ശശിധരന്‍ പിള്ള, അഷ്‌റഫ് മാണിക്കോത്ത്, പി.കെ സൗദ, യു.പി സഫിയ, കെ.സി ശാദുലി, പി.കെ അസീസ്, അഖില്‍ ജോസ് സംസാരിച്ചു.