പെരിയ: കേന്ദ്ര സര്‍വകലാശാല കാംപസില്‍ അക്കാദമിക് ബ്ലോക്കുകളുടെ ഉദ്ഘാടന ചടങ്ങിനെത്തിയ ഉപരാഷ്ട്രപതി വെങ്കയ്യ നായിഡു വേദിയിലെത്തുന്നതിന് മുന്‍പ് പതിവുകള്‍ തെറ്റിച്ച് സദസ്യരെ വണങ്ങി.
മന്ത്രി കടന്നപ്പള്ളി രാമചന്ദ്രനും കേന്ദ്ര സര്‍വകലാശാല അധികൃതര്‍ക്കുമൊപ്പം ഉപരാഷ്ട്രപതി ആദ്യം സദസിലേക്കാണ് കടന്നുവന്നത്. മുന്‍ നിരയിലുണ്ടായിരുന്നവരോട് 10 മിനിറ്റോളം കുശലം പറഞ്ഞാണ് അദ്ദേഹം വേദിയിലേക്ക് പോയത്. ഉദ്ഘാടന ചടങ്ങ് സമാപിച്ച് ഹെലികോപ്റ്ററില്‍ കയറാനായി പോകുമ്പോഴും പിറകിലെ നിരയിലുണ്ടായിരുന്ന വിദ്യാര്‍ഥികളോടും അദ്ദേഹം അല്‍പനേരം സംസാരിച്ചു.