പാലക്കാട്: ഏപ്രില്‍ 14, 15, 16 തിയ്യതികളില്‍ മണ്ണാര്‍ക്കാട് നടക്കുന്ന എസ്.കെ.എസ്.എസ്.എഫ്. ജില്ലാ സമ്മേളനത്തിന്റെ പ്രചാരണ പ്രവത്തനങ്ങള്‍ ശക്തിപ്പെടുത്തുന്നതിനുവേണ്ടി എല്ലാ മേഖലകളിലും സ്വാഗതസംഘം രൂപീകരിക്കാന്‍ ജില്ലാ സെക്രട്ടറിയേറ്റ് തീരുമാനിച്ചു. ജില്ലാ സമ്മേളനം, ജില്ലാ സമ്മേളനത്തിന്റെ ഭാഗമായി ജില്ലാ കമ്മിറ്റി നിര്‍മിച്ച് നല്‍കുന്ന മദീന മന്‍സില്‍ എന്നിവക്ക് നേതൃത്വം നല്‍കാന്‍ മേഖല-ക്ലസ്റ്റര്‍ തലങ്ങളില്‍ കോ-ഓര്‍ഡിനേറ്റര്‍മാരെ തെരഞ്ഞെടുക്കാനും തീരുമാനിച്ചു.
ജില്ലാ സമ്മേളനത്തിന്റെ ഭാഗമായി സബ് കമ്മിറ്റികളുടെ നേതൃത്വത്തില്‍ ജില്ലയുടെ വിവിധ ഭാഗങ്ങളില്‍ വിവിധ പ്രോഗ്രാമുകള്‍ നടക്കും. ത്വലബാ കോണ്‍ഫ്രന്‍സ് (ഏപ്രില്‍ ഒന്ന് തൃത്താല), മുഅല്ലിം സംഗമം (ഇബാദ്), കാംപസ് കോണ്‍ഫ്രന്‍സ് (കാംപസ്‌വിങ്), ആദര്‍ശ സമ്മേളനം (ഇസ്തിഖാമ), മദീന ഖൈമ (ഓര്‍ഗാനെറ്റ്), റൂട്ട് മാര്‍ച്ച് (വിഖായ), സമ്മര്‍ സ്‌കൂള്‍ (ട്രെന്റ്) എന്നീ പദ്ധതികള്‍ക്ക് ജില്ലാ സെക്രട്ടറിയേറ്റ് അംഗീകാരം നല്‍കി.
ഇത് സംബന്ധമായി ചേര്‍ന്ന യോഗത്തില്‍ എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ശിഹാബുദ്ദീന്‍ തങ്ങള്‍ വല്ലപ്പുഴ അധ്യക്ഷനായി.
കുഞ്ഞിമുഹമ്മദ് ഫൈസി മോളൂര്‍, ഹിബത്തുല്ല മാസ്റ്റര്‍ മാരായമംഗലം, ശമീര്‍ മാസ്റ്റര്‍ തെയ്യോട്ടുച്ചിറ, ഹകീം തങ്ങള്‍ ഹുദവി വല്ലപ്പുഴ, ബഷീര്‍ മുസ്‌ലിയാര്‍ കുന്തിപ്പുഴ, മുഹമ്മദ് കുട്ടി കുന്തിപ്പുഴ, സലാം ഫൈസി നെല്ലായ, വി.ടി. ഖാദര്‍ അലനല്ലൂര്‍, നിഷാദ് പട്ടാമ്പി, അബ്ദുല്‍ നാസര്‍ അസ്ഹരി പാലക്കാട് സംബന്ധിച്ചു.
ജില്ലാ ജനറല്‍ സെക്രട്ടറി ശമീര്‍ ഫൈസി കോട്ടോപ്പാടം സ്വാഗതവും വര്‍ക്കിങ് സെക്രട്ടറി ആരിഫ് ഫൈസി തിരുവേഗപ്പുറ നന്ദിയും പറഞ്ഞു.