മലപ്പുറം: ബി.എസ്.എന്‍.എല്‍ സ്വകാര്യവല്‍ക്കരിക്കാനുള്ള നീതിആയോഗ് ശുപാര്‍ശ പിന്‍വലിക്കുക, ടവര്‍ കമ്പനി രൂപീകരണ തീരുമാനം പിന്‍വലിക്കുക, ബി.എസ്.എന്‍.എല്ലിന് ഫോര്‍ജി സ്‌പെക്ട്രം അനുവദിക്കുക, ഫോര്‍ജി സര്‍വിസ് ഉടന്‍ ആരംഭിക്കുക, റിലയന്‍സ് ജിയോയ്ക്കു നല്‍കുന്ന അനര്‍ഹമായ സര്‍ക്കാര്‍ പരിഗണന അവസാനിപ്പിക്കുക തുടങ്ങിയ ആവശ്യങ്ങളുന്നയിച്ച് ബി.എസ്.എന്‍.എല്‍ ജീവനക്കാരും ഓഫിസര്‍മാരും മലപ്പുറം ഹെഡ് പോസ്റ്റ് ഓഫിസി് മാര്‍ച്ച് നടത്തി.
ബി.എസ്.എന്‍.എല്‍ എംപ്ലോയീസ് യൂനിയന്‍ അഖിലേന്ത്യാ ഓര്‍ഗനൈസിങ് സെക്രട്ടറി എം. വിജയകുമാര്‍ ഉദ്ഘാടനം ചെയ്തു. ഹാഫിസ് മുഹമ്മദ്, സിദ്ദീഖ്, റഹ്മത്തുല്ല കോട്ട, സുധീഷ്, എം. പ്രഭാകരന്‍, ടി.കെ സുരേന്ദ്രന്‍ സംസാരിച്ചു. ബാലഗംഗാധരന്‍, ഷാജു, വി.പി ഗോപിദാസ്, ടി.കെ സുരേന്ദ്രന്‍ നേതൃത്വം നല്‍കി.